(1905) Saludu

link

Siñor; co la montera na mano
faciendo la bonetada
co l renad y el 'espinazu
fechu 'n arcu y en' a cara
rebiciando l' allegría
que reborda de mió alma,
aquesti toscu aldeanu
en so 'scaecía fabla
dabos quier la bienvenida
al triar ista quintana,
y en ésti probe romace,
fágolo si se m' entama.

Ya tais nesti ricu pueblu,
nesta villa ponderada,
qu' ante vós vereis quiciades
llena de fé posternada.

Y táis nel Xixón queridu
que 'l mar gufando furaca,
y el so nome dalu al viento
el turullu de la fama;
nesti verxél que d' encantos
puxo Ñatura sin tasa.

Mirailu en tientes, yo cudio
que topareis en el alma
d' aquesti pueblu asturianu
dalgún rastru que s' afaya
enos que ha tiempu con fé
recompunxieron á 'spaña.

¡Mirai cuanta fermosura!
que guapina, que galana
yo cudio quel mesmu Dios
fixo galanura tanta
pa 'ntoxu de los ñacíos
que plasmen al contemplalla.

Señor; espurrii la mano
facei la cruz; que la gracia
nos allugue per d' afechu,
llevando consuelu al alma.

Recibii los agasayos
desti pueblu que á vos llama
y per llocu de contentu
ixuxus allegres llancia.

En tanto yo rispetuosu
faciendo la bonetada
doibos hoy la bienvenida
en mió escaecía fabla.